Med sosiale musikktenester som spotify dukkar det opp ein del praktiske spelelister. Fleire samarbeider om å laga lister med musikk ein kan bruka i undervising. Eg veit om tre slike lister, dersom du har nokon sjølv er det fint om du legg inn kommentar under.
Lenker spelelister:
Musikk på dialekt av Ingwii:
English av randorama:
Ålreit samisk musikk av Pål Hivand:
Konferansar og referat er ferskvare, refleksjonar tek litt lengre tid…
Videoar frå konferansen er tilgjengeleg her og i itunes U
Det eg tenkjer på i etterkant av NKUL-konferansen er
- Diagnostisering, litt medisin, lite behandling.
Me veit nokolunde kva diagnosen er, me veit ein del av medisinen, med ikkje heilt korleis behandlinga skal gå føre seg. I det tilfellet trur eg at “Dei gode døma” er meir konkret og praktisk. Eg har trua på mindtools og å læra med datamaskinar, ikkje av.
- Sosialkonstruktivisme
Kan nok vera eit viktig prinsipp ein må bruka, det passar jo og med kunnskapsløftet. Det handlar kort fortalt om å arbeida saman med andre for å læra. Læring skjer då der meiningar og folk møtes, uansett om det er digitalt eller i klasserommet.
- ælæring (eg-læring).
Ein lærer slik ein likar best og når ein vil. Kva vert konsekvensen av det? Vil ikkje det forandra premissa og deler av oppdraget til skulen i dag? Det heilskaplege mennesket, det sosialt utvikla, å vera saman med andre. Blir me ekspertar på kvart vårt nes? Vil det resultera i isolert og fragmentert forståing? Klarar ein å sjå samanhengar mellom historie og samfunnsfag, eller i norskfaget for den del? (Kanskje det er det læraren skal gjera?) Kven kjem til å velja å fordjupa seg i Ibsen? Eller nynorsk? Kanskje det berre er deler av metodane som skal forandrast, ikkje kunnskapsløftet? Eksamen? Digitale mapper?
Det er mykje som er kult og fascinerande med IKT, men det er nokre felt skulen bør fokusera på:
Eg er ikkje heilt ferdig med å tenkja på dette enda og held på med eit prosjekt eg trur er i rett gate, men meir om det seinare. Her har eg nemleg hoppa frå bryggja utan å vera heilt sikker på om eg treng redningsvest eller båt…
Andre oppsummeringar (eit lite knippe):
http://plinius.wordpress.com/2010/05/07/p-9010/
http://bjornhelge.blogspot.com/2010/05/post-nkul.html
http://margreta.wordpress.com/2010/05/08/her-er-sa-underlig/
Moldeklev har samla det meste her: http://moldeklev.wordpress.com/2010/05/08/nkul-2010/
i tillegg har Niels ein god del her: http://www.pageflakes.com/niels.damgaard/25813214
Det viktigaste var kanskje å møta eit nettverk og mange dyktige folk frå mitt PLN. Takk for å få helsa på dykk på ordentleg og!
Chris Lehmann er ein av talarane på 140conf. Dersom du er opptatt av skule og læring bør du sjå gjennom denne videoen på rundt ti minutt:
http://www.ippio.com/view_video.php?viewkey=1aecd658a6cd39eb2362
Blogginnlegg:
Blogging About The Web 2.0 Connected Classroom: The #140Conf
Zenodotus: Chris Lehmann at the #140Conf
Synthesia, tidlegare PianoHero, er eit spanande konsept. Allereie når du les namnet får du kanskje assosiasjonar til GuitarHero. Med Synthesia kan ein spela og læra seg å spela piano samstundes.
Det krev rett nok eit program og eit keyboard du kan kobla til ein PC, og MIDI-filer. Lurer på om det verkar med touch-skjermar/smartboard..
Lurer du på korleis det verkar?
Kikk her: http://www.youtube.com/watch?v=hHPChjoyzo4&feature=player_embedded
Kva skal du gjera i musikktimen neste veke?
via: http://www.dinside.no/840033/dataspill-og-pianotimer-paa-en-gang
Finst det nokre kjenneteikn på kva tid ein kan forventa betre læring når ein bruker IKT?
Ein må kunne finna, tolka, vurdera informasjon, og vidare setje informasjonen inn i ein ny samanheng og bruka denne sjølv.
Nokre teoretiske perspektiv det kan vere lurt å ha bakhovudet når ein tenkjer på IKT i læring finn ein i «Computers as Mindtools for Engaging Learners in Critical Thinking»
Kort oppsummert:
- Learners as Designers
- Knowledge Construction, Not Reproduction
– Learning with Technology
- (Un)intelligent Tools
- Distributing Cognitive Processing
Web 2.0 sett i lys av Mindtools passar ypparleg, web 2.0 legg til rette for den lærande som designar (av kunnskap, informasjon, osb.). Ein må konstruera eigen kunnskap, gjerne kobla tidlegare kunnskap med ny informasjon. Verktøyet ein vel støttar opp under læringsprosessen, slik at den lærande får meir ut av arbeidet/prosessen enn det han/ho hadde hatt utan.
Ein brukar IKT som ei avlasting i læringsprosessen:
«Learners should be responsible for recognizing and
judging patterns of information and then organizing it, while the computer system should
perform calculations, store, and retrieve information. When used as Mindtools, we are
engaging learners in the kinds or processing that they do best.» (David H. Jonassen, Chad Carr, Hsiu-Ping Yueh.)
Å læra av, gjennom eller med IKT er og nokre andre sentrale perspektiv ein bør ha i med seg:
Salomon, G. , Perkins, D.N., & Globerson, T. (1991). Partners in cognition: Extending
human intelligence with intelligent technologies. Educational Researcher, 20(3), 2-9.
Ein av dei viktigaste faktorane for bruk av IKT i skulen er læraren, eg har skrive noko om korleis ein kan bruka IKT i læringsarbeidet sjølv utan IKT-kompetanse. Men det er sjølvsagt viktig at ein veit om kva som er mogleg.
Det handlar kanskje meir om klasseleiing og rammene ein legg rundt læringarbeidet?
Tilbake til dei store spørsmåla, kva bruker me IKT til? Korleis bruker me IKT?
Og treng eigentleg læraren kunne alle web 2.0 verktøy? Skal me læra med, av eller gjennom IKT?
Fleire og fleire lærarar grublar, tenkjer og kjem med forslag på Del og bruk
Ein fasit trur eg ikkje me skal jakta på, men det finst fleire løysingar på vegen.
(Dette var eigentleg ein kommentar på http://deltemeninger.no/-/bulletin/show/324364_forbud-mot-sosiale-medier-i-skolen?ref=mst, men vart aktuell under ein diskusjon på Dei gode døma)
Eg har i dag hatt æra av å prøva å visa nokre gode dømer i regi av Hordaland fylkeskommune.
Temaet var digitale tankekart, presentasjonen kan du finna her: http://bit.ly/dgd10gh
I tillegg vart seansen filma, du kan sjå opptak her: http://media.hfk.no/tcs/?id=685CB00C-BE3A-4440-A5B4-CAFF14B2BA51 (Takk til Margreta som stilte opp som prøvekanin)
Nokon skreiv notat undervegs her: http://typewith.me/deigodedoma
Å finna, vurdera og bruka informasjon er ikkje alltid like lett.Men det er kanskje noko av det viktigaste ein bør læra i skulen. Det finst mange døme på at søking etter kjeldestoff går ille.
Tidlegare fekk ein grundige og kanskje overbevisande artiklar om Anne Frank dersom ein søkte på google.
Dersom ein kikka på domenenamnet som kom nesten øverst så såg ein at det tilhøyrte ein organisasjon med namn Vigrid. Eit anna klassisk døme er ungar som skriv om kattar og så søkjer dei etter bilete med ordet pus, eg treng kanskje ikkje fortelja noko om kva slags bilete som kan dukka opp frå engelske nettstadar då.
Sannsynlegvis har dei fleste tre utgangspunkt for å finna informasjon, startsiden.no (der dei søkjer i feltet til google), google.no og wikipedia.org. Det er mange gode alternativ ein kan bruka. I dag vil eg tipsa om sortfix.com.
Denne kan vere eit ypparleg hjelpemiddel i søkekurs. Ein skriv inn søkeord som vanleg og ein kan sjå resultata frå google, twitter, bing, bilete og filmar frå youtube. Men det er øverst ein finn det mest praktiske. Dei fire boksane inneheld «power words», «add to search» «remove» og «dictionary». Her kan ein raskt leggje til søkeord, vise alle resultat unntatt eit av orda og ein kan slå opp ord direkte dersom ein dreg dei til boksen «dictionary». Ganske smart, bør prøvast.
Ein god start på dagen, kaffe og Fredrik Härén på NHO sin årskonferanse. Denne videoen er nesten i TED-format og er særs aktuell for skulen i Noreg.
Härén er svensk, men har budd i Asia i fleire år og har nokre tankar om utviklinga i verda.
Han fortel om ein professor i han har møtt som sa nokolunde dette til elevane:
«De får ikkje bruke mobiltelefon på skulen. Bare mobiltelefonar de har bygd sjølv…» Same professoren har vore aktiv i fotballturneringar med robotar. Det kostar penger å kjøpa materiale til robotar, så difor vart utfordringa ikkje å laga fleire robotar som skulle spela mot kvarandre, men ein robot som kunne spela mot ein annan robot med ni ballar…
Jo meir framgangsrik ein er, desto mindre forandrar ein seg… Og då er det kanskje farleg å bu i Noreg?
Utviklingslanda utviklar seg, dei byggjer landa. Utvikla land som Noreg er ferdig utvikla. Eller?
Dersom omverda ikkje forandrar seg treng ein ikkje forandra seg. Ref. Krokodillen gjennom 80 millionar. Deltar me i forandringa, eller lener me oss tilbake?
Redcliff (http://www.imdb.com/title/tt0425637/) vs. Batman: Har du sett begge?
Kven har kunnskapsovertaket? Asia eller vesten? Asia har potensialet til å vera meir kreative enn vesten.
«Kina kopierer bare». 28 år gamal kinesisk designar: «Det handlar ikkje om copyright, det handlar om copying right.»
Picasso: «Good artists copy, great artist steal..»
Härén er ikkje redd for at Asia stjel våre idear, han er livredd for at me ikkje hentar idear frå Asia.
Me må bli inspirert av at Asia er framgangsrike og sjå kva me kan få til betre.
Norge er ikkje eit ferdig land, me er rundt 100-200 år frå å vera eit utvikla land.
Vil me at Noreg skal definerast som eit utvikla land, eller utviklingsland? Definerer du deg sjølv som eit utvikla menneske eller eit utviklingsmenneske?
http://video.nho.no/2010/01/fredrik-haren/#menu
Svend Andreas har skrive eit innlegg om kva apps han bruker og korleis han har organisert skjermane sine på iPhone.
Her kjem nokre tips til…
Fjernkontroll/Fjernstyring
Eg bruker hovudsakleg to apps til dette.
Air Mouse Pro krev ein installasjon på maskinane du vil bruka det mot. Du kan velja om du vil ha vanleg flate for styring av mus, eller gyro med høgre og venstreklikk. Du kan og skriva inn på skjermtastatur og styra det meste. Hovudsakleg brukt mot mediasenter (Mac mini) og til presentasjon/undervising.
TeamViewer gir deg skjermbilete frå PC/MAC og du kan jobba som normalt på PC-en frå iPhone. Eg bruker gratisversjonen.
Bøker
Å lesa bøker på skjerm er kanskje uvant og nytt for mange. Det finst fleire tilbydarar og difor har eg fleire lesarar. Det er kanskje enklast å kjøpa/synkronisera bøker med Kindle for iPhone. Med Stanza på iPhone og Calibre på ein PC/MAC kan du konvertera og overføra bøker/PDF og anna rett til iPhone. På den måten fekk eg NDLA inn på min iPhone.
Nyttige verktøy
Evernote blir brukt for å synkronisera tekst, klipp og anna mellom alle maskinane mine og iPhone.
Dropbox blir bruk til å synkronisera filer mellom maskinar og iPhone. Tilgang så lenge ein har nett og lett å dela filer frå Dropbox.
Runkeeper logger treningsøktene dine. Du får data for fart, kart osb.
Writepad er ei litt meir avansert skriveblokk enn den som føl med iPhone.
JotNot-scanner er eit viktig verktøy for å halda kontoret mitt papirfritt. Ein kan scanna sider og vidaresenda dei som PDF/bilde til Evernote, Dropbox, Google docs Webdav/idisk, box.net eller e-post.
Tripit held styr på reiser og flybillettar. Ein videresender reisekvitteringa til ei e-postadresse og så lagar Tripit oversikt over reise og legg på kart, telefonnummer osb.
Har du ein wordpress-blogg er det smart med appen WordPress. Skriv eller rediger, godkjenn kommentarar osb.
Tumblr vart brukt for å oppdatera feriebloggen med bilete, tekst, lyd og video undervegs på reisa.
Taptu blir brukt for søk på internett, grensesnittet er imponerande.
AR
AroundMe viser informasjon om firma og andre ting rundt deg.
Layar kan visa ulike lag med informasjon rundt deg, bilete frå ulike tenester, artiklar frå wikipedia og liknande.
Wikitude henter informasjon frå artiklar på wikipedia og plasserer dei på kartet/skjermen.
Gulesider gjer at du kan finna adresser og firma rundt deg.
Kommunikasjon
Echofon Pro er mitt førsteval som twitterklient. Integrert med Flickr-kontoen og ReadItLater. Støtter PUSH og synkroniserer Echofonklienten med MAC-en.
Lesestoff
Read It Later blir brukt til å ha oversikt over artiklar/nettsider eg skal lesa. Blir brukt i alle nettlesarane mine og gir meg ei synkronisert leseliste. Ein kan i tillegg velje å laste ned artiklane på leselista dersom ein t.d. skal sitja nokre timar på fly…
Stanza er omtalt lengre oppe.
Diigo Offline Reader gir meg rask tilgang til bokmerka mine på diigo. Du kan søka og lasta ned bokmerka viss du vil.
Netnewswire blir brukt til å lesa RSS-straumen frå Google Reader. Enkelt og greit grensesnitt, du kan senda artiklar til e-post, twitter og instapaper frå appen. Synkroniserer med Google Reader.
Lærar
Har testa TeacherTool for å sjå om det er noko, og har vel funne ut at det ikkje passar meg heilt… Men tipsar i alle fall om det. Test gratisversjonen først!
Elev
Det finst mange program elevane kan bruka for å læra seg ting, for å finna formlar osb. myHomework kan vere eit godt program for å skriva ned lekser og ha oversikt over innleveringar og prøvar.
Bilete
Flickr og Flickit blir brukt for å lasta opp bilete frå iPhone til Flickr, ein har litt fleire val og ein kan lasta opp fleire bilete i slengen i Flickit.
Photoshop.com gir deg nokre av funksjonane frå Photoshop, ein kan redigera litt og bruka ulike filter.
Tankekart
Eg har sett på fleire apps for tankekart, per i dag har eg hovudsakleg brukt Simplemind Xpress, men den dekkjer ikkje alt eg treng.
Det er overhengande fare for at Mindjet blir kjøpt inn sidan det kan kommunisera med Mindmanager på MCA/PC…
Så, har du nokre tips Svend Andreas og eg har oversett?
Eg er så heldig at eg skal få dela nokre gode døme på Flesland den 8. april. Temaet for sesjonen er tankekart. Eg har planar om å fortelja litt om kva tankekart er, korleis ein kan bruka det på smarte måtar som lærar og som elev. Og eg har tenkt å fortelja litt om korleis ein vurderer tankekart, det kan vere ei utfordring. Første skisse er laga i tankekart, men er er open for innspel og kommentarar. Legg gjerne igjen ein kommentar eller send meg ein e-post, twittermelding eller liknande. Du kan nå meg på guttorm(snabel-a)hveem.no / twitter.com/ghveem.
 |  |  |  |  |  | ||||||||||||||||||||||||||||||||||||||||||
Nyleg oppdatert: 
Siste kommentarar