iPhone vennleg blogg.

Har no lagt inn ein funksjon på bloggen for å gjera visinga litt betre for dei som surfar innom her med iPhone/iPod Touch. Tillegget heiter WPtouch iPhone Theme og gjer at bloggen ser nokolunde slik ut dersom du kjem innom med iPhone/iPod touch:

iPhone-tema
No med iPhone-tema. : Bloggpost

Forsida - iPhone
Forsida – iPhone

Bytt ut Internet Explorer 6!

Nett no går det ein kampanje for å bli kvitt internet explorer 6. Ein finn ein del om aksjonen på twitter (sjå t.d. her) og på nettsider som t.d. tu.no . Sjølv har eg lagt inn ein liten sak for å støtta kampanjen. Du ser det berre om du kjører IE6 eller eldre og berre ein gong om dagen, og det er det visst ein del av lesarane mine som gjer! Eg reknar med at ein del av desse treffa er søkemotorar og spammerar.

Oppdatert: Oversikt over større nettsider som støtter kampanjen her.

Statistikk frå februar viser no i alle fall dette:

Internet Explorer 5    10750
Internet Explorer 6    2648

Internet Explorer 7    1222
Firefox 3 730
Generic Gecko 500
Opera 178
Safari 127
Internet Explorer 4 115
Internet Explorer 3 83

Konqueror 62
Chrome 56
Firefox 2 56
Internet Explorer 8 53
Internet Explorer 39
Firefox 19
iCab 13
Galeon 12
Thunderbird 12
AmigaVoyager 10
Pocket Internet Explorer 4
Mozilla Minefield 2
Iceweasel 1
SeaMonkey 1

Digitale byggeklossar – TED Talks

Ein vert rett og slett imponert over mykje av det ein ser på TED talks, her ser ein umiddelbart bruksområde i skulen. Små byggjeklossar med ein del smarte funksjonar.

MIT grad student David Merrill demos Siftables — cookie-sized, computerized tiles you can stack and shuffle in your hands. These future-toys can do math, play music, and talk to their friends, too. Is this the next thing in hands-on learning? (TED)

Demoen viser matematikk, «scrabble», korleis det kan brukast for å laga ei fortelling og korleis ein kan laga/påverke musikk.

Kor kan ein bestilla?

(via moldeklev)

mellom linjene: Administrator på egen skole-pc

Einar Berg skriv om problemstillinga med om ein skal la elevane vera lokal administrator eller ikkje på skule-pc. I innlegget og diskusjonen finn ein fleire gode argument og synspunkt.

Tja, er det beste svaret eg kan gi. Elevane treng ikkje nødvendigvis å ha administratorrettar, men systemet skal vere rimeleg bra administrert for å få ting til å gå smertefritt.

Potensielle argument:
– Det tek kun kort tid å «ordna seg» slik at ein brått vert lokal administrator. Enkelt er det og.

– Det finst mange måtar å ta over kontrollen på pcen, det finst til og med ein del forumtrådar som tek for seg korleis ein skal gjera slikt på skule-pcen sin.

– Eit godt administrert system har autooppdatering av programvarepakkar, slik at elevane automagisk får siste flashplayer, java-versjon osb.

– I eit godt administrert system har eleven mulighet til sjølv å velje mellom ferdige (tilleggs)pakkar med programvare han eller ho vil installera.

– I eit godt administrert system kan ein bestilla ferdige pakkar/installasjon av programvare raskt og enkelt.

– Elevar som verkeleg er dyktige på pcen kan få dispensasjon til å vere lokal administrator.

– Ein kan bruka dual-boot, slik at eleven har ein versjon der eleven har full rett til å installera (men kjem kanskje berre inn på gjestenettet/eit offentleg nettverk), og ein versjon der eleven ikkje er administrator, men får tilgang til server/elevnettet). Er usikker på om dette har noko føre seg.

I Finnmark fylkeskommune har me eit system som gjer at IT-avdelinga kan utvikla pakkar og distribuera dei automatisk, til ein brukar, til bestemte klassar eller til alle elevar/lærarar. Elevar og lærarar kan og velje å installere tilleggspakkar (t.d. vlc, itunes, google sketchup, samisk språkstøtte osb.) utan at dei treng vere administrator. Ein kan melde inn program ein vil ha installert og då om dette skal distribuerast til ein eller mange.

For info om system/programvare ta kontakt.

(via mellom linjene)