eXe: programvare for å laga digitale læringsressursar

For ei tid tilbake kom eg over eXe-learning, programvare for å utvikla læringsressursar.

Frå eXe si nettside:

The eXe project developed a freely available Open Source authoring application to assist teachers and academics in the publishing of web content without the need to become proficient in HTML or XML markup. Resources authored in eXe can be exported in IMS Content Package, SCORM 1.2, or IMS Common Cartridge formats or as simple self-contained web pages.

Ei oversikt kan ein sjå her:

eXe: Oversikt

Eksport til SCORM, IMS, vevside, tekstfiler og ipod-notat.

Det er rimeleg enkelt å setja saman ein læringsressurs i dette programmet. Ein kan henta inn artiklar og nettsider gjennom i-frame. Ein kan laga quizzar, refleksjonsspørsmål, setja inn java-applets og mykje meir.

I tillegg kan ein arbeida direkte i HTML-koden (embed, script m.m.). Det er kanskje ein fordel  å kunna litt om html, men ikkje naudsynt.

Eit døme på korleis det kan bli kan du sjå her.

Gjemmesiden: Tips til gjenbruk og administrasjon i LMS

Svend Andreas har skrive eit godt innlegg om korleis han administrerer kursa og læremidla sine i HiST sitt LMS. Eg pleier å innleiia LMS-kurs med at «dersom ein er villig til å ofra sommarferien til å jobba intensivt med klargjering i LMS kan ein kanskje ta fri heile hausten».

Ein kan gjera klart mykje på førehand, det er og lurt å nummerera innhaldet, laga mapper med diskusjonar, lærestoff, prøvar/testar og anna som vert synlege  på gitte tidspunkt. For det første gjer dette det enklare for elevane å vite kvar dei er, kva dei held på med og kva arbeidsoppgåver dei har.

For det andre vil du som lærar ha mapper du kan leggje ferdig oppgåver og slik i etter kvart, men du treng ikkje å visa det til elevane før dei treng det.

Prinsippet verkar i både fronter og it’s learning. Eg ser ikkje bort frå at det kan vere lurt å leggje innhaldet på sitt eige område i LMS, i fronter heiter det «mitt arkiv», slik at ein ikkje mister innhaldet når gamle rom vert sletta og nye rom oppretta.

Svend Andreas har og lagt ut ein liten skjermvideo der han forklarar korleis han administrerer ved hjelp av ei TODO-liste.

Nettvett – legg gode spor

Eg har laga ein liten presentasjon med tema nettvett, denne kan vere ei støtte til refleksjon og samtale med elevar. Det er viktig at du som lærar ser gjennom og reflekterer, det er fleire stadar ein kanskje kan stoppa opp og diskutera med elevane.

[iframe http://prezi.com/21100/view/#1 600 400]

Full skjerm: http://prezi.com/21100/view/#1

Vil du redigera? Ta kontakt.

Ung 3.0

Akkurat no pågår Ung 3.0 i Drammen. Programmet inneheld fleire spennande tema. For live oppdatering kan ein kikka innom portalen dei har laga klar her.

[iframe  http://www.netvibes.com/janniro#General 600 400]

dt.no dekker deler av konferansen her.

Mikropresentasjonar

Martin Bekkelund kjem med eit godt tips til korleis du enkelt kan bruka ein iPhone til mikropresentasjonar. Ein kan sjølvsagt gjera det same med andre telefonar eller dingsar og.

  1. Eksporter presentasjonen til bilete.
  2. Overfør bileta til ei eiga mappe på mobilen.

Og så er ein klar til å dra fram presentasjonen når ein skal visa den til andre.

Mange nyare telefonar og dingsar har støtte for tilkobling til tv/prosjektør. Så i prinsippet kan ein halda heile presentasjonen i fullformat via telefonen/dingsen…

Enkelt og praktisk!

Les meir om alternativ og framgangsmåte her.

Etterlysning: lærarar i praktiske fag

Eg er på jakt etter bloggarar, framragande pedagogar og læringsressursar innan følgjande studieretningar:

Bygg- og anleggsteknikk
Byggteknikk
Anleggsteknikk

Klima, energi- og miljøteknikk
Overflateteknikk

Teknikk og industriell produksjon

Kjøretøy

Bilskade, lakk og karosseri

Arbeidsmaskiner
Anleggsmaskinmekaniker

Elektrofag

Helse- og sosialfag
Helsearbeider

Restaurant- og matfag
Kokk- og servitørfag

Design og håndverk
Frisør

Dersom du veit om nokon, eller har lyst til å bli ein av desse så legg igjen noko i kommentarfeltet eller ta kontakt via twitter, msn eller e-post.

Prezi: Inspirasjonsøkt om web 2.0

Kirkenes vidaregåande har me IKT-verkstad med jamne mellomrom, på desse vert spesifikke verktøy teke opp, demonstrert og informert om. Denne gongen fortalte eg noko om m.a. web 2.0, blogging, twitter, del og bruk og om ein del læremiddel som finst.

Prezi vart brukt for å støtta fortellinga, ein kan vel ikkje kalla det ein finn i prezi for presentasjonar. Kanskje meir støtte for formidlaren? Ein kan forresten raskt bli sjøsjuk dersom ein leikar for mykje med funksjonane i prezi.

Kort oppsummert om prezi:  Rimeleg enkelt å bruka, krev trening, alternativ måte å presentera på (meir vekt på forteljaren), nedlastbar, plattformuavhengig. Berre synd at iphone ikkje har støtte for flash (då hadde eg kjørt direkte frå iphone til prosjektør…)

Og «presentasjonen» ser slik ut:
[iframe http://prezi.com/16750/view/ 600 400]

Eller fullskjerm: http://prezi.com/16750/

Andre presentasjonar mekka i prezi.

Vil du prøva?