NKUL 2013

Klart for NKUL? Det blir lagt til rette for samskriving undervegs, og eg planleggjer å samla ein god del på Storify. Det ligg allereie ein del klart.

Lurer du på korleis du kjem i gang med twitter? Sjå introduksjonskurs frå Eva eller les ti råd her.

Eg skal og prata, og håper sjølvsagt at du og vil prata:

S3C – Videreutvikling av NDLA gjennom brukerkontakt og bruk av sosiale medier
Målgruppe V: videregåendeMålgruppe Y: yrkesfagMålgruppe L: lærerutdanningMålgruppe S: skoleeier/leder
(Rom: R8)
«Synes det er råkult at elever kan finne feil i oppgave, dele det på twitter, og en uke senere er oppgaven rettet!» NDLA ønsker engasjerte brukere som melder ris og ros. Bare slik kan vi opprettholde et læremiddel som er levende og oppdatert i en verden der sannhetene stadig endres.

Eg kjem til å vera ein del på NDLA.no sin stand, kom gjerne og hels på!

 

Augneblinkar og innspel frå NKUL. Sett saman av Guttorm/@ghveem

NKUL 2013 går mandag 6. mai til onsdag 8. mai i Realfagbygget ved NTNU i Trondheim. Tema er bl.a BYOD, klasseledelse, spill i undervisning og digital dannelse.

http://storify.com/ghveem/nkul-2013

 

 

Fagleg oppdatering? Ti råd for å komma i gang med twitter. #ndla #nkul

1: Skriv noko på profilen din!
Kven er du? Kva er du interessert i? Kva driv du med? Last opp eit bilete! Blogger du?Legg inn ei lenke! Eg vil gjerne vite noko om deg før eg vel å følgje deg.

2: Hopp i det!
Det blir litt som ungdomsskulen, sjå på «dei kule». Bli med i diskusjonen, det er berre å hoppa inn kva tid som helst. Har du prøvd noko nytt i klasserommet? Har du laga eit god opplegg? Erfart noko andre kan ha nytte av å høyra om?

3: Følg folk!
Ein følgjer ofte folk med same interessefelt. Sjå kven dei følgjer og finn fleire du kan følgje. Men det er nyttig å følgje folk med andre meiningar og. Sjå om andre har laga lister. På listene har dei kanskje gruppert folk for deg allereie.

4: Be om råd!
Spør nokon om dei har tips til andre du kan følgje og om dei eventuelt kan introdusera deg. Takhøgda er ganske stor, sjå korleis andre oppfører seg og lær av det. Spør om råd om du lurer på noko.

5: Svar!
Sjå under «koblinger/interaksjoner». Viss nokon har skrive noko til eller om deg (@brukernavnet_ditt) så finn du det igjen der. Du kan og sjå kven andre skriv til ved å klikke på det som står bak @brukernavn på twitter.

6: Offentleg/privat?
Alt utanom direktemeldingar på twitter er offentleg tilgjengeleg. Sjølv om du skriv noko til @brukernamn kan andre sjå det. Sensitiv informasjon har ikkje noko på twitter å gjere (ikkje der heller).

7: Følg tema!
Du kan og finna andre ved å følgje relevante tema (hashtags) som t.d. #lærerhverdag, #skole, #yrkesfag, #vurdering og eg må sjølvsagt nemne #ndla. Er det konferansar eller andre arrangement blir ein ofte eininge om eit temaord/hashtag slik at ein kan finna igjen dette. Neste store konferanse med tema innanfor skule og IKT er NKUL og då er det smart å følgje med på #NKUL. Vil ein ha oversikt over eit temaord kan ein bruke søkefunksjonen på twitter eller t.d. http://hashtags.no/. Viss ein går inn på http://hashtags.no/ndla#alltid kan ein sjå relaterte brukarar og temaord.

8: Utvid nettverket!
Twitter er berre ein liten del av eit større fagleg nettverk på internett. Mange av dei du følgjer på twitter har kanskje bloggar dei skriv litt lengre i. Og kanskje dei deler mykje spanande der og?

9: For mykje?
Straumen kan gå veldig raskt og ein får ikkje med seg alt. Det kan vere smart å merke ting med stjerne for å lesa seinare, eller sjå kva andre har merka med stjerne. Nokre bruker og InstapaperPocket eller andre liknande løysingar for å lagra lenker dei ynskjer å lese seinare.

10: Gi og du skal få!
Viss du deler med andre deler dei med deg. Ver raus!

Bli med!
Eg er @ghveem på twitter og skriv og ein del på NDLA.no sine kontoar. Full oversikt over NDLA sine fagredaksjonar på twitter finn du her.

Du som les her er kanskje allereie på twitter?

Har eg gløymt noko? Skriv gjerne i kommentarfeltet!

Strukturering i ein digital skulekvardag #itsbk13 #ndla

Nokre konkrete og teoretiske tips til korleis ein jobber med struktur. Har klart å klemma inn LMS, NDLA, tankekart og geriljametodikk i same presentasjon.

Treng du vere digitalt kompetent? NEI!

Men det er sjølvsagt ein fordel.

Kaosprosess:

  • Du veit og har klargjort rammer for prosess og arbeid
  • og kva det skal resultera i.
  • Du bruker sjekklister og vurderingskriterier. Laga på førehand, gjerne i samarbeid med elevane.
  • Elevane skriv logg undervegs, kan vere enkel: kva har du gjort i dag, kva har du lært i dag, kva skal du gjere i neste økt. Arbeidsinnsats, osb.
  • Du lar elevane velje verktøy sjølv, men spør dei om framgang og om dette er gode val undervegs.
  • Det er fint om du kjenner til verktøy, men du treng ikkje meistra alle.
  • Du lærer av elevane
  • Og du lærer elevane å læra/hjelpa kvarandre
  • Du lar elevane spørje dei andre elevane om hjelp.
  • Fokuserer du på læringa i prosessen eller produktet?
  • Du kjenner igjen eit godt fagleg innhald uavhengig av innpakking.

IKT i læring og vurdering, kva tid får med til meir eller lærer betre med IKT?

Klasseleiing har og noko med IKT å gjere. Det er forsatt du som skal vere leiaren og hjelpa elevane gjennom jungelen.
Men du kan sannsynlegvis ikkje mest om eit tema lenger.
Men klarar elevane å sjå samanhengar like godt som deg?

Og presentasjonen med stikkord: