Fagleg oppdatering? Ti råd for å komma i gang med twitter. #ndla #nkul

1: Skriv noko på profilen din!
Kven er du? Kva er du interessert i? Kva driv du med? Last opp eit bilete! Blogger du?Legg inn ei lenke! Eg vil gjerne vite noko om deg før eg vel å følgje deg.

2: Hopp i det!
Det blir litt som ungdomsskulen, sjå på «dei kule». Bli med i diskusjonen, det er berre å hoppa inn kva tid som helst. Har du prøvd noko nytt i klasserommet? Har du laga eit god opplegg? Erfart noko andre kan ha nytte av å høyra om?

3: Følg folk!
Ein følgjer ofte folk med same interessefelt. Sjå kven dei følgjer og finn fleire du kan følgje. Men det er nyttig å følgje folk med andre meiningar og. Sjå om andre har laga lister. På listene har dei kanskje gruppert folk for deg allereie.

4: Be om råd!
Spør nokon om dei har tips til andre du kan følgje og om dei eventuelt kan introdusera deg. Takhøgda er ganske stor, sjå korleis andre oppfører seg og lær av det. Spør om råd om du lurer på noko.

5: Svar!
Sjå under «koblinger/interaksjoner». Viss nokon har skrive noko til eller om deg (@brukernavnet_ditt) så finn du det igjen der. Du kan og sjå kven andre skriv til ved å klikke på det som står bak @brukernavn på twitter.

6: Offentleg/privat?
Alt utanom direktemeldingar på twitter er offentleg tilgjengeleg. Sjølv om du skriv noko til @brukernamn kan andre sjå det. Sensitiv informasjon har ikkje noko på twitter å gjere (ikkje der heller).

7: Følg tema!
Du kan og finna andre ved å følgje relevante tema (hashtags) som t.d. #lærerhverdag, #skole, #yrkesfag, #vurdering og eg må sjølvsagt nemne #ndla. Er det konferansar eller andre arrangement blir ein ofte eininge om eit temaord/hashtag slik at ein kan finna igjen dette. Neste store konferanse med tema innanfor skule og IKT er NKUL og då er det smart å følgje med på #NKUL. Vil ein ha oversikt over eit temaord kan ein bruke søkefunksjonen på twitter eller t.d. http://hashtags.no/. Viss ein går inn på http://hashtags.no/ndla#alltid kan ein sjå relaterte brukarar og temaord.

8: Utvid nettverket!
Twitter er berre ein liten del av eit større fagleg nettverk på internett. Mange av dei du følgjer på twitter har kanskje bloggar dei skriv litt lengre i. Og kanskje dei deler mykje spanande der og?

9: For mykje?
Straumen kan gå veldig raskt og ein får ikkje med seg alt. Det kan vere smart å merke ting med stjerne for å lesa seinare, eller sjå kva andre har merka med stjerne. Nokre bruker og InstapaperPocket eller andre liknande løysingar for å lagra lenker dei ynskjer å lese seinare.

10: Gi og du skal få!
Viss du deler med andre deler dei med deg. Ver raus!

Bli med!
Eg er @ghveem på twitter og skriv og ein del på NDLA.no sine kontoar. Full oversikt over NDLA sine fagredaksjonar på twitter finn du her.

Du som les her er kanskje allereie på twitter?

Har eg gløymt noko? Skriv gjerne i kommentarfeltet!

Macros for Teachers: Short cuts in Word to point out grammatical errors (via @JaspreetK1)

Tar det litt lang tid å retta språkfeil i engelske tekstar? Rutineprega arbeid kan ein heldigvis av og til automatisera og effektivisera. Endå betre: Jaspreet har gjort ein stor jobb for deg!

 Retting på datamaskin kan være møysommelig arbeid. Når jeg påpeker språkfeilene i elevtekster, merker jeg at jeg gir nesten de samme kommentarene  om igjen og om igjen. Jeg lurte på om det gikk an å effektivisere prosessen.        Det fikk meg til å undersøke om jeg kunne lage noen hurtigtaster som kunne automatisere merknader om forskjellige språkfeil og andre kommentarer. I Word bruker jo man hurtigtaster som Ctrl + C for å kopiere en tekst,  Ctrl + V til å lime inn en kopiert tekst osv.      Ved bruk av MAKROER i word har jeg oppnådd akkurat dette. Nå slipper jeg å skrive samme merknader om igjen og om igjen. Jeg har også funnet ut at jeg kan sende mine koder til andre og de kan bruke dem på sin PC

via Correcto Ergo Sum: Macros for Teachers: Automatiserte Merknader / Short cuts in Word to point out grammatical errors.

Dette kan vere ei vel så god løysing som markin og knappesett. Eg har ikkje skrive særleg om Markin tidlegare, heldigvis har Bjørn Helge, Elisabeth og Inger Hilde skrive, tenkt og delt noko. Kanskje det er nokon som vil gjere det same for bokmål og nynorsk og?

Kvifor kompetanseheving for lærarar i i nettverk/sosiale media? #dgd12

dei gode døma skal Margreta og underteikna ha ein sesjon om korleis og kvifor ein bør/kan bruka sosiale medier for å utvikla kompetanse. Margreta har allereie laga klar ei tavle der du kan få koma med tips, innspel, idear og erfaringar.

Me vert svært glade for alle innspel!

Stort vindauge (dobbeltklikk kor som helst for å skriva, anonymt eller ikkje): Kvifor kompetanseheving for lærarar i i nettverk/sos.med? by margreta.

Lite vindauge:

Laga i wallwisher, som kan brukast i klasserommet.

 

Oppdatering:
Ljosark kan lesast her, men dei er kanskje så minimalistiske at du heller vil sjå videoopptaket som dukkar opp her. Det ligg for øvrig mange strålande presentasjonar og videoopptak frå dei gode døma 2012 klare til deg.

Del og bruk-konferansen 2011

Eg rakk diverre ikkje innom del og bruk-konferansen i år, men heldigvis er det mange som har lagt igjen gode spor til oss.

Kollektivt referat via samskrivingsverktøyet til NDLA finn ein på http://samskrive.ndla.no/dob11 .

I tillegg har Elisabeth har skrive referat her, Kristin her, og Øystein her. Fleire dukkar nok opp etter kvart.

Oversikt over tekst, lenker og bilete som vart delt på twitter frå konferansen finn ein på http://hashtags.no/dob11

Kanskje det mest spanande er omvendt undervising? Dersom du og er interessert i dette temaet kan det vere lurt å følgje Ingunn, Elisabeth, Roger og ikkje minst The Flipped Class Network

Til neste år håpar eg på streaming til grisgrendte strøk.

Posted via email from ghveem

Føredrag: MK-nettverk om web 2.0

I går var eg så heldig at eg fekk halda eit lite føredrag om web 2.0, eit par smarte verktøy og litt om personlege læringsnettverk for rundt 70 MK-lærarar og andre i Tønsberg. Slike bestillingar på føredrag vert det fleire og fleire av og då er eg glad for at eg kan bruka elluminate/learncentral.org. Det gjer at reisetida vert 10 minutt (kobling og administrering) i staden for fly og anna. Den tekniske løysinga krev litt trening og tilpassing. Mellom anna kan det vere smart å gjera slik at mikrofonen ikkje står på når høgtalarane er på. Dialogbasert undervising er og litt vanskeleg sidan det forsvinn nokre sekund mellom sendar og mottakar.

Uansett, presentasjonen er lagt ut som nettsider og som PDF med stikkord. Undervegs i presentasjonen fekk deltakarane oppgåver gjennom google skjema, ei ypperlig løysing der eg kunne sjå svara med ein gong.

Takk til Tom/@tom_knudsen, John Eivind/@johneivind007 og Rune/@bitjungle for innspel og tips.

Kreativ og smart bruk av Google Sketchup

På Kirkenes vidaregåande finst det mange døme på god og smart bruk av IKT i læring. I dag har eg lyst til å presentera eit døme.Læraren bruker Google Sketchup til ganske mykje, mellom anna matematikk, byggteknikk og til trafikkopplæring. Eg har fått lov til å dela litt av dette.
I Sketchup kan ein bruka lag for å jobba med ulike element. På venstresida i bileta ser du laga som er i bruk i dette dømet. Rundt om i dokumentet/vegnettet kan ein skru på ulike element når ein treng dei. Lyskrysset som blir vist under kan innehalda ein politimann eller fleire. I tillegg kan ein enkelt bytta ut trafikklysa med vikepliktskilt. Bilen kan flyttast på, ein kan bytta perspektiv for å få overblikk. I tillegg kan ein enkelt forflytta seg frå den eine vegen til den andre.
Opplegget byggjer på metodikk frå trafikalt grunnkurs og det finst mange måtar å jobba med dette på. Praktisk og lærerikt er det i alle fall.
Heile dokumentet vert vist på smartboard saman med elevane, slik at dei kan navigera seg rundt, svara på spørsmål frå eit gitt perspektiv osb.
Kreativt og smart døme på IKT i læring.Innspel og kommentarar er velkomne i kommentarfeltet eller på andre vis.

Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen
Foto: Hallgeir Larsen

Klimamysteriet – IKT i læring

Rainbows have nothing to hideSkolefagundersøkinga og andre undersøkingar viser at bruk av fagspesifikke program kan føra til auka læring. I tillegg kan det vere gevinstar å henta frå simuleringar og problembasert læring. Klimamysteriet er eit læringsundervers der elevar skal hjelpa rollefiguren Axel med å redda klimaet i verda. Her må ein bruk filmar, spel, informasjonskompetanse og web 2.0 for å løysa oppdraget. Underviser du i naturfag eller engelsk er det fleire kompetansemål som kan passa. Men hugs at spelet ikkje nødvendigvis fører til god læring så lenge det berre vert brukt som eit spel. Det bør brukast i ein større samanheng. Ein kan t.d. gi elevane eigne spørsmål dei berre klarar å svara på gjennom å ta del i spelet.

Meir kan lesast her:

HSH

Introduksjonsvideo

Spelet finn du på: http://www.congin.com/climatemystery/

Klarar dine elevar å løysa klimamysteriet?

ITUMonitor 2009

ITU har i dag publisert ITUMonitor 2009 der dei går gjennom trendar og tilstand i skulen.

ITU har lagt ut video frå pressekonferansen, ein finn igjen pressemeldinga hos Computerworld, NRK, VG og Teknisk Ukeblad.

Kunnskapsdepartementet svarar og fortel kva dei ynskjer å satsa på her.

Øystein Johannesen har oppsummert hovudfunn her.

Eva har skrive referat og oppsummert spørjerunden til slutt. Hans Christian bloggar her. Marian har nokre refleksjonar som kanskje ikkje er direkte samanheng med lanseringa.

Oppdatert: Marcel (i Aschehoug) har og skrive sine tankar her. Tommy Engen her.

Heile rapporten kan ein lesa hos ITU i tillegg kan ein finna ein del på twitter med søkeord #itumonitor.

Og for moro skuld kan du sjå om du og klarar elleve rette på testen til NRK.no

Eg vil tru at vidaregåande kjem til å ha endå høgare bruk og sannsynlegvis meir kompetanse etter kvart som dei vert vane med NDLA og stadig fleire digitale læremiddel. Men me kan ikkje berre satsa på å bruka IKT til lesing og skriving. Prosjektstyring, simulering, animasjon, samansette tekstar er nokre stikkord ein kan ha i bakhovudet. Men for å få til slikt må ein ha kompetente lærarar, og for å få til ei satsing på IKT i læring må dei som styrer og legg premissane og vera kompetente. Eg er spent på kva det nasjonale senteret for IKT i utdanning kan leggje til rette for.

Det dukkar heilt sikkert opp ein del i bloggane og på http://delogbruk.no snart.

Alt saman skal lesast og fordøyast, men nokre av oss har ferie litt til…

Post nummer 400 forresten!