Smarte verktøy til iPhone

Svend Andreas har skrive eit innlegg om kva apps han bruker og korleis han har organisert skjermane sine på iPhone.
Her kjem nokre tips til…

Fjernkontroll/Fjernstyring
Eg bruker hovudsakleg to apps til dette.
Air Mouse Pro krev ein installasjon på maskinane du vil bruka det mot. Du kan velja om du vil ha vanleg flate for styring av mus, eller gyro med høgre og venstreklikk. Du kan og skriva inn på skjermtastatur og styra det meste. Hovudsakleg brukt mot mediasenter (Mac mini) og til presentasjon/undervising.
TeamViewer gir deg skjermbilete frå PC/MAC og du kan jobba som normalt på PC-en frå iPhone. Eg bruker gratisversjonen.
Skjermbilde2010-03-23kl.09.20.09.XTLSrIdb5bSl.jpgSkjermbilde2010-03-23kl.09.25.51.nmKqJo1rozxt.jpg

Bøker
Å lesa bøker på skjerm er kanskje uvant og nytt for mange. Det finst fleire tilbydarar og difor har eg fleire lesarar. Det er kanskje enklast å kjøpa/synkronisera bøker med Kindle for iPhone. Med Stanza på iPhone og Calibre på ein PC/MAC kan du konvertera og overføra bøker/PDF og anna rett til iPhone. På den måten fekk eg NDLA inn på min iPhone.
Skjermbilde2010-03-23kl.09.20.16.fPQbr9JDfx6d.jpgSkjermbilde2010-03-23kl.09.20.51.mBil4nCNt3oL.jpgSkjermbilde2010-03-23kl.09.26.17.YWrqIpDxzJ4k.jpgSkjermbilde2010-03-23kl.09.27.42.ez0P6rkdhTet.jpg
Nyttige verktøy
Evernote blir brukt for å synkronisera tekst, klipp og anna mellom alle maskinane mine og iPhone.
Dropbox blir bruk til å synkronisera filer mellom maskinar og iPhone. Tilgang så lenge ein har nett og lett å dela filer frå Dropbox.
Runkeeper logger treningsøktene dine. Du får data for fart, kart osb.
Writepad er ei litt meir avansert skriveblokk enn den som føl med iPhone.
JotNot-scanner er eit viktig verktøy for å halda kontoret mitt papirfritt. Ein kan scanna sider og vidaresenda dei som PDF/bilde til Evernote, Dropbox, Google docs Webdav/idisk, box.net eller e-post.
Tripit held styr på reiser og flybillettar. Ein videresender reisekvitteringa til ei e-postadresse og så lagar Tripit oversikt over reise og legg på kart, telefonnummer osb.
Har du ein wordpress-blogg er det smart med appen WordPress. Skriv eller rediger, godkjenn kommentarar osb.
Tumblr vart brukt for å oppdatera feriebloggen med bilete, tekst, lyd og video undervegs på reisa.
Taptu blir brukt for søk på internett, grensesnittet er imponerande.

Skjermbilde2010-03-23kl.09.20.28.Lc8T4zCAKTtp.jpgSkjermbilde2010-03-23kl.09.23.17.ljGPBeNsb3yG.jpgSkjermbilde2010-03-23kl.09.20.46.kooGKki6dpGs.jpgSkjermbilde2010-03-23kl.09.20.58.1LCRK81bz8pW.jpgSkjermbilde2010-03-23kl.09.23.30.bZHPogAlkh3r.jpgSkjermbilde2010-03-23kl.09.27.22.Ro01M4OF5PIg.jpgSkjermbilde2010-03-23kl.09.23.43.3qzLun0J5T66.jpgSkjermbilde2010-03-23kl.09.24.36.VgEdgx2aB09e.jpgSkjermbilde2010-03-23kl.09.24.54.oR4p47I0yz72.jpg

AR
AroundMe viser informasjon om firma og andre ting rundt deg.
Layar kan visa ulike lag med informasjon rundt deg, bilete frå ulike tenester, artiklar frå wikipedia og liknande.
Wikitude henter informasjon frå artiklar på wikipedia og plasserer dei på kartet/skjermen.
Gulesider gjer at du kan finna adresser og firma rundt deg.
Skjermbilde2010-03-23kl.09.20.20.yrrQaYMlDphq.jpgSkjermbilde2010-03-23kl.09.24.11.lWqrNcI1SEAe.jpgSkjermbilde2010-03-23kl.09.24.23.M3iYDFcVGEbx.jpgSkjermbilde2010-03-23kl.09.26.27.wq9ql6bBbSJE.jpg

Kommunikasjon
Echofon Pro er mitt førsteval som twitterklient. Integrert med Flickr-kontoen og ReadItLater. Støtter PUSH og synkroniserer Echofonklienten med MAC-en.
Skjermbilde2010-03-23kl.09.20.25.U2W0VHB88HXT.jpg

Lesestoff
Read It Later blir brukt til å ha oversikt over artiklar/nettsider eg skal lesa. Blir brukt i alle nettlesarane mine og gir meg ei synkronisert leseliste. Ein kan i tillegg velje å laste ned artiklane på leselista dersom ein t.d. skal sitja nokre timar på fly…
Stanza er omtalt lengre oppe.
Diigo Offline Reader gir meg rask tilgang til bokmerka mine på diigo. Du kan søka og lasta ned bokmerka viss du vil.
Netnewswire blir brukt til å lesa RSS-straumen frå Google Reader. Enkelt og greit grensesnitt, du kan senda artiklar til e-post, twitter og instapaper frå appen. Synkroniserer med Google Reader.

Skjermbilde2010-03-23kl.09.20.42.pTz5dWENykTi.jpgSkjermbilde2010-03-23kl.09.23.59.wlvDlzr0Yvxe.jpgSkjermbilde2010-03-23kl.09.21.45.py7Q1B64x5qX.jpg

Lærar
Har testa TeacherTool for å sjå om det er noko, og har vel funne ut at det ikkje passar meg heilt… Men tipsar i alle fall om det. Test gratisversjonen først!Skjermbilde2010-03-23kl.09.27.02.U2wTdtbAVSlU.jpg

Elev
Det finst mange program elevane kan bruka for å læra seg ting, for å finna formlar osb. myHomework kan vere eit godt program for å skriva ned lekser og ha oversikt over innleveringar og prøvar.
Skjermbilde2010-03-23kl.09.25.06.9cbOmEtQgq9f.jpg

Bilete
Flickr og Flickit blir brukt for å lasta opp bilete frå iPhone til Flickr, ein har litt fleire val og ein kan lasta opp fleire bilete i slengen i Flickit.
Photoshop.com gir deg nokre av funksjonane frå Photoshop, ein kan redigera litt og bruka ulike filter.

Skjermbilde2010-03-23kl.09.20.32.45PSTcrVth91.jpgSkjermbilde2010-03-23kl.09.25.24.g3RjQUXcOwgM.jpgSkjermbilde2010-03-23kl.09.20.38.pW5CIoH6RTN1.jpg

Tankekart
Eg har sett på fleire apps for tankekart, per i dag har eg hovudsakleg brukt Simplemind Xpress, men den dekkjer ikkje alt eg treng.
Det er overhengande fare for at Mindjet blir kjøpt inn sidan det kan kommunisera med Mindmanager på MCA/PC…
Skjermbilde2010-03-23kl.09.22.26.Qm9u5CH3du9M.jpg
Skjermbilde2010-03-23kl.09.22.41.FJImFi3BjWBi.jpg
Så, har du nokre tips Svend Andreas og eg har oversett?

Prezi – delingsarena for pedagogar.

Prezi har tidlegare lansert utdanningsversjon av systemet sitt. Har du ikkje oppdatert versjonen din enda bør du gjere det her.
I tillegg lanserer dei no ein delingsarena der lærarar kan dela presentasjonane sine. Dei fleste er sjølvsagt på engelsk og er systematisert etter den amerikanske læreplanen. Men om ein ikkje kan bruka det direkte, kan ein jo bruka det som inspirasjon. Og så får norske lærarar dela presentasjonane sine.

practicing

NDLA på din lesedings?

Å lesa bøker på skjerm er kanskje utenkeleg for mange, eg kan godt vere enig i at skjønnlittere bøker kanskje best eignar seg på papir. Men lærestoff, fagbøker og anna kan godt vere digitalt for min del. Og eg gjetter at det er fleire som kunne tenkt seg å ha med seg alle lærebøkene i lomma. I går lasta eg ned Coursesmart til eit av mine viktigaste verktøy, nemleg iPhone. Videoen som viser Coursesmart på iPad (konsept førebels) er rimeleg interessant. Eg håper og trur at denne modellen kan vere aktuell for skulen og kanskje for forlaga og. Hos Coursesmart leiger ein bøkene sine per semester, kanskje ein kan kjøpa nokre permanent og.Ein kan ta notat og lagra desse saman med bøkene. Etter semesteret har ein ikkje tilgang til bøkene, men ein har tilgang til notata ein har teke. Og kanskje dei er viktigast? Denne modellen kan kanskje vere aktuell for norske forlag og? Men, så, i Noreg har me NDLA tilgjengeleg, kva kan dei gjera framover? Eg ynskjer gjerne å ha med meg fagbøker og lærebøker i lomma. Elevar kan kanskje og tenkja seg det, ein slepp å mista bøker, gløyma bøker og ein kan lesa bøker på bussen, trikken eller andre stader. Praktisk for fleire partar med andre ord.

Korleis får ein NDLA på ein lesedings som t.d. kindle, iPhone, Nook eller andre?

1. Du treng pdf-versjonar av innhaldet på ndla, førebels kan ein finna pdf-filer av kvar side. Kanskje kapittel/bøker/tema samla etter kvart?

2. Du treng programvare for å forandra formatet på pdf-filene til det formatet lesedingsen din støtter. Eit gratis og dekkjande program er Calibre.

Det eg har gjort for å ha deler av NDLA på min lesedings (iPhone) er å lasta ned pdf-versjonane av eit kapittel, i dette tilfellet Norsk – kommunikasjon, til ei mappe. Deretter opna Calibre (passa på å starta serveren under innstillingar) og la til ei mappe som ei bok (fleire pdf-filer til ei bok), konverterte til e-bok. Kobla til iPhone og starta Stanza. Klikka på «Get books» og så kunne eg bla gjennom alle bøkene på PC-en og lasta dei eg ville ha på iPhone. Og no kan eg lesa om kommunikasjon akkurat der eg vil og når det passar meg. Og for å forenkla prosessen håper eg at NDLA etter kvart legg ut kapittel/tema/fag som samla pdf-filer. Eventuelt at ein kan velje fleire sider av eit kapittel og lagra det som ei pdf-fil. Det kan dei sannsynlegvis gjera, men dei må kanskje sloss litt mot nynorsk-folk (ikkje meg), forlag og nokre andre først.

Verktøy for planlegging: Lessonwriter

Mange lærarar brukar den blå boka som sitt hovudverktøy gjennom skuleåret. Sjølv praktiserer eg papirfritt kontor og bruker litt andre verktøy i planlegginga. Hovudverktøyet mitt er Mindmanager. I tillegg bruker eg OneNote ein del (meir om det seinare).

I tillegg finst det ein del andre praktiske verktøy som t.d. Lessonwriter, tenk å få eit slikt verktøy inkludert i LMS. I lessonwriter finn ein fram til ein god tekst ein vil bruka (og då er kanskje ikkje wikipedia det beste alternativet alltid…) og så koblar lessonwriter teksten saman med den nasjonale læreplanen (I dette tilfellet USA sin) og gjer ein del automagiske saker. Til slutt sit ein igjen med eit arbeidsark med ein lesetekst, øvingsord, spørsmål og meir. Kanskje noko du kan bruka i engelskundervising?

Informasjon og kunnskap

Me har tilgang til ufattelege mengder informasjon gjennom teknologi og ikkje minst nettverk. Dersom ein skal halda seg heilt oppdatert må ein vel klikka på alle lenkene på twitter eller facebook og lesa alle elementa i RSS-lesaren dagleg. Eg trur stadig fleire opplever det Margreta treffande kallar «lenkestress» og føler at ein ikkje strekk til. Ein må utvikla personlege filter for å koma seg gjennom informasjonsjungelen, ein må prioritera. Kva er det naudsynt å lesa? Kva hadde det vore fint om ein hadde hatt tid til å lesa? Kva kan ein eigentleg klara seg utan? (Skru gjerne på Øystein Sunde sin song «Kjekt å ha» no)

Kunnskap og informasjon er ikkje det same. Kva gjer ein med informasjonen ein har tilgjengeleg? Mange går nok laus på søkemotorane med ein gong, men kva med å stoppa opp litt og tenkja seg om, slik at ein kan reflektera litt over kva ein ynskjer å oppnå gjennom søkinga. Kva informasjon/kunnskap har ein allereie? Kva informasjon treng ein for å arbeida vidare? Og korleis forandrar ein informasjonen til kunnskap? Korleis klarar elevane det? Finn dei relevant informasjon utanom dei fem til ti første treffa i søka? Leitar dei etter det? Brukar dei fleire søkekjelder?

PEGGY ORENSTEIN i NYT har skrive ein interessant artikkel om søking og om å bli distrahert og tipsar i tillegg om MacFreedom, eit program som kan hjelpa deg litt med sjølvdisiplinen dersom du har ein Mac.

For å oppsummera med hennar ord:
«the promise is of infinite knowledge, but what’s delivered is infinite information, and the two are hardly the same.»

Eg trur det er fleire som treng trening i å arbeida utan tilgang til internett i periodar. Og det er lov å merka alt som lest, og å ikkje følgja med på alt til ei kvar tid… (mhm, eg har vore innom ein del nettsider sidan eg starta på dette innlegget…)

Funfact: Søkjer du på «Information Overload» i google scolar får du ca 273 000 treff…

Google Sketchup – endå meir levande?

Kom over denne videoen der ein viser at ein enkelt kan henta ut modellane ein lagar i sketchup og visa/manipullera med hendene med eit tillegg til Sketchup. Rimeleg tøft, og sjølvsagt kan dette brukast i læring…

Eg bruker ofte Sketchup i undervising og læring. Gjerne knytt til matematikk. Ein kan gi instruksar og spørsmål undervegs som til dømes:
1. Konstruer en garasje med grunnflate lik 42m2

2. Sett opp reisverk, bruk mal fra Google Warehouse (med bilde av malen, må manipulerast for å passa)

3. Sett inn dør, Google Warehouse

4. Sett inn garasjeport, Google Warehouse

5. Sett inn vegger, Google Warehouse

6. Regn ut volum av garasjen
6m * 7m * 3,4m = 142,8 m3

7. Regn ut hvor mange meter 2 tom 4 du trenger til reisverket
16 * 3 m = 48 m
+ 19 * 3 m = 57m
+ 19 * 3 m = 57 m
+ 17 * 7 m = 119 m
Totalt = 281 meter

8. Regn ut utvendig overflate på vegger
2,9m * 7m = 20,3 m2
2,9m * 7m = 20,3 m2
2,9m * 6m = 17,4 m2
2,9m * 6m = 17,4 m2
Totalt: 20,3+20,3+17,4+17,4=75,4m2

Og slik kan ein jo fortsetja med utviding, målestokk, vinklar, form, setja saman fleire modellar til ein by osb…

Sketchup 3D

Oppdatert:

Einar Berg tipsar om denne saken, du må klikka på  See the AR version of Materials Card Game movie for å sjå videoen.

Kom på at eg hadde sett denne videoen der ein kan styra nokre andre element. Ein kan lasta ned demo her.

Tankekart: omtale av Dropmind og Personal Brain 5

Dropmind
Dropmind

Dropmind.com (beta) kjem i to versjonar, den eine versjonen lastar ein ned og installerer på maskinen, den andre versjonen kan ein bruka i nettlesaren. Du kan dela tankekarta og bruka tankekarta dine både i skrivebordsversjonen og i nett-versjonen. Har kikka på skjermbilder og dette ser rimeleg likt ut som Mindmanager frå Mindjet. Om nokon testar kan dei gjerne leggje igjen kommentarar her.

personalbrain

Personal Brain har eit litt meir spanande grensesnitt, ein kan enkelt dra og sleppa dokument, nettsider eller andre filer til kartet slik at ein kan klikka på desse for å opna dei.

via http://janeknight.typepad.com/pick/2009/04/2-mind-mapping-tools.html.

eXe: programvare for å laga digitale læringsressursar

For ei tid tilbake kom eg over eXe-learning, programvare for å utvikla læringsressursar.

Frå eXe si nettside:

The eXe project developed a freely available Open Source authoring application to assist teachers and academics in the publishing of web content without the need to become proficient in HTML or XML markup. Resources authored in eXe can be exported in IMS Content Package, SCORM 1.2, or IMS Common Cartridge formats or as simple self-contained web pages.

Ei oversikt kan ein sjå her:

eXe: Oversikt

Eksport til SCORM, IMS, vevside, tekstfiler og ipod-notat.

Det er rimeleg enkelt å setja saman ein læringsressurs i dette programmet. Ein kan henta inn artiklar og nettsider gjennom i-frame. Ein kan laga quizzar, refleksjonsspørsmål, setja inn java-applets og mykje meir.

I tillegg kan ein arbeida direkte i HTML-koden (embed, script m.m.). Det er kanskje ein fordel  å kunna litt om html, men ikkje naudsynt.

Eit døme på korleis det kan bli kan du sjå her.